Llongyfarchiadau i dîm Cwis Llyfrau Blwyddyn 6 am ddod yn ail yn y Sir. Diolch yn fawr i:
Tomos Moynihan,Catrin Llywelyn, Aneurin Morse, Steffan Thomas, Gwion Rhisiart, Elina Dineen, Megan Thomas ac Osian Davies.

Presenoldeb 6J yn ystod Mis Chwefror- 96.8%

Presenoldeb 6W yn ystod Mis Chwefror- 98.2%

Mae plant Blwyddyn 6 wedi bod wrthi fel lladd nadroedd yr wythnos hon yn ysgrifennu storiau ar gyfer y Cyfnod Sylfaen. Edrychwch ar ‘Flickr’ er mwyn cael blas o’r dathlu.

Llongyfarchiadau i Isabel Amphlett am ennill Cystadleuaeth Cogurdd Ysgol y Wern. Pob lwc i ti yn y rownd nesaf. Llongyfarchiadau hefyd i Gethin Price(ail) a Paige Cooke(3ydd)

Diolch yn fawr i aelodau o’r Ynadon a ddaeth mewn i’r dosbarth i gynnal ffug dreial gyda’r plant. Ar ôl pendroni am amser hir dros y dystiolaeth dyfarnwyd Mr Jo Jenkins yn euog o achosi difrod i dyrbin gwynt.

Diolch yn fawr iawn i Mr Richard Jones(tad Manon) am ein tywys o gwmpas y Senedd ddoe. Gwnaeth y plant fwynhau’r cyfle o fynegi barn  a dysgu mwy am y Senedd. Daeth y cyfan yn fyw ar ddiwedd yr ymweliad wrth i ni gael cyfle i wylio sesiwn holi cwestiynau i’r Prif Weinidog ar lawr y siambr.

Dewch i ddathlu ‘Defnyddio’r Wê’n Fwy Diogel’ gyda phawb dros y byd!

Er mwyn dathlu ‘Diwrnod Defnyddio’r We yn Fwy Diogel 2015’ ar y 10fed o Chwefror, rydym ni am gynnal cystadleuaeth creu poster fydd yn hysbysu disgyblion ein hysgol ar sut i ddefnyddio’r wê yn ddiogel.

Gallech gynnwys negeseuon megis ‘Defnyddiwch y wê yn ddiogel,  ‘ Cadwch eich cyfeiriad yn gyfrinach’ , ‘Byddwch yn gwrtais wrth ddanfon neges ar-lein’ neu ‘ Peidiwch â chredu popeth ar y wê’.

Defnyddiwch ‘Paint’ neu unrhyw rhaglen graffeg addas ar eich cyfrifiadur i greu eich poster.

Fe fydd y poster sy’n ennill  angen sicrhau:

• Cywirdeb Iaith
• Neges glir am sut i fod yn ddiogel ar y wê

E-bostiwch eich posteri i ysgolywern@cardiff.gov.uk. Rhowch y geiriau-  Poster Rhyngrwyd ac enw a dosbarth eich plentyn yn y blwch Testun/Subject.

Dyddiad Cau- 9fed o Chwefror

Pob Lwc!

Mr Wason