Diolch i dad Manon Davis a ddaeth atom i siarad am swyddogaeth y galon.

Diolch yn fawr i Famgu Efa Rogers a ddaeth mewn i’r dosbarth i sôn am ei phrofiadau hi a’i theulu yn ystod yr Ail Ryfel Byd. Cafwyd gwledd yn y dosbarth lle gwnaeth hel atgofion yn ogystal â dangos hen lythyron a ysgrifennwyd rhyngddi hi a’i thad. Buodd Dafydd Richards o ddosbarth Mr Thomas yn ffodus iawn i wisgo gwisg milwr ei thad a oedd yn gapten yn y fyddin.

Peidiwch anghofio – “Colli Ysgol, Colli Allan”. Mae presenoldeb o 100% yn eithriadol o bwysig. Ein presenoldeb ym mis Medi oedd:

6J – 99.0%

6T – 95.7%

Dyma ni wedi cyrraedd brig yr ysgol o’r diwedd. Ceir dau ddosbarth yn y Flwyddyn sef Dosbarth Mrs Jones (29 o blant) a Dosbarth Mr Thomas (29 o blant). Rydym wedi dechrau’r tymor newydd gyda meddylfryd o dwf ac felly’n barod i wynebu unrhyw her yn ystod y flwyddyn.

Ein cyd-destun dysgu y tymor yma yw ‘Gyda’n Gilydd’ sydd wedi ei seilio ar Yr Ail Ryfel Byd. Edrychwn ymlaen at ein hymweliad â Chastell Caerdydd (Medi 9fed) ble cawn gyfle i ddysgu mwy am sut oedd trigolion Caerdydd yn chwilio am loches yn nhwneli’r Castell yn ystod y cyrchoedd awyr.

Byddwn yn gwerthfawrogi pe baech yn gallu mynychu  Noson Gyflwyno’r Flwyddyn ar Fedi 16eg ble byddwn yn rhoi trosolwg o waith y Flwyddyn a chynnwys awgrymiadau ar ffyrdd i chi gefnogi dysgu eich plentyn adref.

Cawsom brynhawn difyr Dydd Mawrth pan wnaeth Marion (athrawes o Wlad y Basque) gynnal gwers Ffrangeg gyda ni.

Merci beaucoup.

Llongyfarchiadau i bawb wnaeth gystadlu yn yr Eisteddfod wythnos ddiwethaf. Hyfryd oedd gweld gymaint o siwmperi’r Wern yn crwydro’r maes.

Llongyfarchiadau arbennig i Tal Evans a ddaeth i’r brig yn yr Unawd Llinynnol.

6J – 96.2%

6W – 99%

Llongyfarchiadau i ddosbarth 6W am ddod i’r brig gyda 99.6% ym mis Mawrth.

Presenoldeb 6J – 98.6%