Prydau Ysgol Am Ddim a Chymorth I Brynu Gwisg Ysgol

Tuesday, May 25th, 2021

Prydau Ysgol Am Ddim a Chymorth I Brynu Gwisg Ysgol

Mae teuluoedd ar incwm isel ar draws y ddinas yn cael eu hannog i wirio a ydynt yn gymwys i hawlio Prydau Ysgol am Ddim i’w plant.

Gyda llawer o deuluoedd yn wynebu anawsterau a phryderon ariannol oherwydd effaith barhaus y pandemig ar gyflogaeth ac incwm pobl, mae’r Cyngor yn awyddus i sicrhau bod pawb sydd â hawl i gael cymorth yn cael y cymorth sydd ei angen arnynt.

Yn ogystal â Phrydau Ysgol am Ddim, mae cymorth ychwanegol bellach ar gael i deuluoedd brynu gwisg ysgol gyda’r Grant Datblygu Disgyblion yn cael ei ymestyn i gynnwys mwy o grwpiau blwyddyn nag erioed o’r blaen.

Gall teuluoedd â phlant yn y Dosbarth Derbyn, Blwyddyn 1, Blwyddyn 3, Blwyddyn 5, Blynyddoedd 7 i 11 wneud cais am gyllid i helpu i brynu’r wisg sydd ei angen arnynt ar gyfer yr ysgol. Gall teuluoedd hawlio £125 y plentyn a £200 os yw eu plentyn ym Mlwyddyn 7. 

Mae’r estyniad i gynnwys mwy o grwpiau blwyddyn ar gyfer y flwyddyn academaidd hon yn unig ac mae gan rieni tan 30 Mehefin 2021 i wneud cais. Dim ond un grant y plentyn y flwyddyn a ganiateir felly ni fydd teuluoedd sydd eisoes wedi derbyn cyllid ar gyfer y flwyddyn ysgol hon yn gallu hawlio eto.

I weld a ydych yn gymwys i gael prydau ysgol am ddim neu’r Grant Datblygu Disgyblion, ewch i

https://www.cardiff.gov.uk/CYM/preswylydd/Ysgolion-a-dysgu/Cymorth-Ariannol/Prydau-ysgol-am-ddim/Pages/default.aspx

Ydych chi’n meddwl y gallai rhywun rydych chi’n ei adnabod fod yn gymwys neu a yw’ch rôl gyda’r Cyngor yn dod â chi i gysylltiad â theuluoedd a allai ddefnyddio’r cymorth ychwanegol hwn?

Anogwch unrhyw un a allai fod â hawl at y cymorth hwn wirio’u cymhwysedd.  Siaradwch âr Llinell Gyngor ar 029 20871071 i gael rhagor o wybodaeth.

Digwyddiadau

Bwrlwm Haf Menter Caerdydd

Cliciwch yma am fwy o wybodaeth.

mwy…

Diwrnodau HMS am dymor yr Haf 2021

Diwrnodau HMS am weddill y flwyddyn -dim ysgol i ddisgyblion Dydd Llun/Mawrth                19 /20 Gorffennaf

mwy…

Gwisgo Coch i Gymru- Mehefin 16

Mehefin 16 eg- Gwisgo Coch i Gymru- gwisgwch rywbeth coch a chyfrannu £1 tuag at Ysbyty Felindre. Diolch!

mwy…

Arwydd yr wythnos

Hwb

Twitter

  • RT @Blwyddyn6YWern: 🌟Hwyl fawr Blwyddyn 6! Pob dymuniad da ar gyfer y dyfodol. Diolch yn fawr am eich gwaith caled yn ystod y flwyddyn. We…
  • RT @Blwyddyn6YWern: 📚🌟Llongyfarchiadau i’r tîm am ddod yn drydydd yn y rownd genedlaethol o Darllen dros Gymru! Arbennig!🌟📚A huge congratul…