Ar ddiwrnod braf o Hydref fe ddaeth plant, athrawon ac aelodau o’r heddlu lleol ynghyd ym maes parcio Eglwys Christ the King i ddechrau taith y Bws Cerdded i’r ysgol am y tro cyntaf. Fe fydd y bws yn cyfarfod yn wythnosol ar fore Mercher am 8.25am ac yn gadael yn brydlon am 8.35am. Croeso i chi ymuno â ni i fwynhau ymarfer corff ac awyr iach cyn dechrau’r diwrnod ysgol. Cofiwch gysylltu â’r swyddfa os oes gennych ddiddordeb.

Bydd plant Ysgol y Wern yn ymddangos ar y rhaglen ‘Do Re Mi Dona’ ar fore Gwener y 3ydd o Hydref am tua 8:45am. Bydd y palnt yn perfformio ‘Cân y Sw’.  Bydd y plant yn ymddangos ar fore Gwener y 31ain o Hydref hefyd yn canu ‘Lliwiau’.  Os ydych yn colli’r rhaglenni byddwch yn gallu gweld y rhaglenni ar wefan S4C Clic.

Ar ôl bod yn llwyddiannus wrth berfformio yng Nghasnewydd ar gyfer ‘Music for Youth’, mae’r côr a’r gerddorfa wedi cael gwahoddiad i fynd ymlaen i berfformio yn yr Wyl Genedlaethol yn Birmingham ym mis Gorffennaf.  Llongyfarchiadau a phob lwc i bawb.

Llwyddiant ein Nofwyr

Cafwyd llwyddiant eto eleni yng Ngala Nofio Cenedlaethol yr Urdd. Llongyfarchiadau mawr i dîm nofio Merched Blwyddyn 6 a ddaeth yn gyntaf yn y Cyfnewid Rhydd – Georgina Withers-Boalch, Emily Chirighin, Mared Arch a Bethan Witchell. Ar ben hynny aethant ymlaen i ddod yn ail yn y Ras Gyfnewid Cymysg. Fe enillodd Georgina y fedal arian ac efydd mewn rasys unigol.

Da iawn ferched!

Llongyfarchiadau i gôr yr ysgol a ddaeth yn drydydd yng nghystadleuaeth Carol yr Ŵyl a ddarlledwyd ar y rhaglen ‘Prynhawn Da’ ar S4C cyn y Nadolig.  (more…)