Dewch i ddathlu ‘Defnyddio’r Wê’n Fwy Diogel’ gyda phawb dros y byd!

Er mwyn dathlu ‘Diwrnod Defnyddio’r We yn Fwy Diogel 2015’ ar y 10fed o Chwefror, rydym ni am gynnal cystadleuaeth creu poster fydd yn hysbysu disgyblion ein hysgol ar sut i ddefnyddio’r wê yn ddiogel.

Gallech gynnwys negeseuon megis ‘Defnyddiwch y wê yn ddiogel,  ‘ Cadwch eich cyfeiriad yn gyfrinach’ , ‘Byddwch yn gwrtais wrth ddanfon neges ar-lein’ neu ‘ Peidiwch â chredu popeth ar y wê’.

Defnyddiwch ‘Paint’ neu unrhyw rhaglen graffeg addas ar eich cyfrifiadur i greu eich poster.

Fe fydd y poster sy’n ennill  angen sicrhau:

• Cywirdeb Iaith
• Neges glir am sut i fod yn ddiogel ar y wê

E-bostiwch eich posteri i ysgolywern@cardiff.gov.uk. Rhowch y geiriau-  Poster Rhyngrwyd ac enw a dosbarth eich plentyn yn y blwch Testun/Subject.

Dyddiad Cau- 9fed o Chwefror

Pob Lwc!

Mr Wason

Diolch i bawb a gymerodd ran yn y gystadleuaeth Sumdog i ysgolion Caerdydd. Daeth llwyddiant i Flwyddyn 6 gyda Steffan Rhys Thomas yn fuddugol yn unigol ac i ddosbarth Mr. Williams a gyrhaeddodd y brig yn erbyn dosbarthiadau eraill ysgolion y ddinas. Da iawn chi!

Diolch yn fawr i P.C.Warner a ddaeth i siarad â Blwyddyn 6 heddiw am gadw’n ddiogel ar y wê.

Cyfarchion cynnes o Langrannog. Rydyn ni’n mwynhau’n fawr iawn gyda’r plant i gyd wrth eu boddau. Ewch ar ein cyfrif Flickr er mwyn gweld ein lluniau.

Cawsom wledd bore ‘ma yng nghwmni’r awdures Lowri Cooke. Yn ystod y sesiwn fe fuodd y dosbarth yn mynegi barn am y nofel CoedDu, sef nofel am garcharor rhyfel o’r Almaen sy’n dianc o’r gwersyll ger Pen-y Bont ar Ogwr. Mae’r plant wedi bod wrthi’n ddiwyd yn ysgrifennu eu hadolygiadau personol o’r llyfr.

Diolch yn fawr Lowri

Llongyfarchiadau i Emily Chirighin a gafodd ei choroni’n bencampwraig Cymru yng Nghystadleuaeth Traws Gwlad yr Urdd.

Mae Rhodri Thomas wedi chwarae sawl gêm rygbi i Ysgolion Caerdydd eleni. Mae’r tim wedi profi llwyddiant mawr yn ddiweddar, ac o ganlyniad yn chwarae yn rownd derfynol Cwpan D C Thomas yn Stadiwm y Mileniwm. Profiad bythgofiadwy i ti Rhodri.